Atencion : la data limit per prepausar una comunicacion qu’èra estada remandada al 15 de genièr de 2017 es ara despassada.
La procedura indicada çai-dejós es donada per memòria.
Se desiratz presentar una comunicacion al Congrès, vos cal escriure un messatge electronic a l’adreiça seguenta, en indicant Congrès AIEO dins l’objècte del messatge :
aieo2017 (at) univ-tlse2.fr
Vos cal mandar lo títol e un brèu resumit de la comunicacion (entre 500 et 1000 mots) assorti de referéncias bibliograficas, dins un document estacat al format Word. Las comunicacions se pòdon far en occitan o dins quina lenga romanica que siá, en anglés o en alemand, e devon portar de donadas novèlas o de perspectivas innovairas dins lor domeni. Es tanben possible de presentar de projèctes scientifics en cors.
La presentacion de las comunicacions serà de 25 minutas al maximum, amb al mens 5 minutas reservadas a la discussion. Las proposicions de comunicacion devon èsser mandadas abans lo 15 de genièr de 2017.
Tanlèu que lo Comitat Scientific aurà avalorat vòstra proposicion, seretz informat se vòstra comunicacion es estada retenguda o refusada abans lo 20 de genièr de 2017. S’inscriuràn las proposicions de comunicacion dins una de las seccions del Congrès. L’acceptacion de vòstra comunicacion orala implica pas automaticament una acceptacion de la publicacion dins los actes del Congrès.
Per poder presentar vòstra comunicacion al congrès, auretz de vos inscriure prioritàriament abans lo 31 de junh de 2017.
