Qué nos dison los escambis epistolaris amb R. Lafont (1951-1974) ?
Ja la lectura de las letras escambiadas amb Enric Mouly nos pòrta d’elements interessants que nos ajudan a compréner melhor son òbra.
Lo memòri Edicion critica de la correspondéncia de Joan Bodon a Robèrt Lafont (1951-1974) ne balha un complement amb de precisions que permeton de melhorar la conéissença de l’autor, de melhor conéisser sos problèmas, sos questionaments, sas crentas, sos espèrs, sas conviccions. Mas aquelas letras pòdon tanben esclairar suls aspèctes literaris.
I podèm trobar tanben en rèire-fons una tièra d’eveniments qu’an influenciat sas idèas e, per consequéncia, sos escrits.
Ni per las dificultats encontradas, aquí una contribucion, emai s’es modèsta, per ensajar de participar a “alandar la pòrta” coma nos i convida Joan Delmàs que cita Cantalausa dins l’estampèl de Letras de Joan Bodon a Enric Mouly (1986).
Michel Pédussaud. 1947 : naissença dins lo barri de Lardena a Tolosa. Vida professionala a La Pòsta. A la retirada, retorn a l’occitan, amb dins lo cap los remembres de la menina pairala. L’I.E.O. de Garona Nauta puèi l’Universitat Pau Valèri de Montpelhièr (Master 2 L.L.C.E.R. en Ensenhament a Distància) prenguèron la seguida. 2013 : mesa en linha del memòri Edicion critica de la correspondéncia Joan Bodon – Robèrt Lafont al CIRDÒC. 2015 : Premi Josèp Roumanille (Concors “Escriure en lenga d’òc”, publicat dins “L’Almanac Leis Amics de Mesclum” en 2016). Publicacion d’un pichon recuèlh en 2018 : Brigalhs a las Edicions de l’I.E.O. Lengadòc.