Joan Bodon, Prepauses d’un occitan
D’octòbre de 1972 a febrièr de 1975, Joan Bodon publica una cronica « propos d’un occitan » dins un pichon setmanièr local del sud d’Avairon, « lo Sant-African ». Aquestes « propos d’un occitan » serián pas per Joan Bodon, exiliat en Argeria e que tòrna sonque l’estiu sul Larzac, una temptativa per metre en forma e vulgaritzar sa pensada ? Entre l’intencion iniciala dels responsables del jornal e de l’escrivan, se descobrís çò que l’occitan Joan Bodon volguèt transmetre, en consciéncia, a de legeires occitans. I a pas pus lo fantastic, l’onirisme, la transgression ni mai la lenga occitana que ne fan lo creator d’una òbra literària primadièra, mas tota la trama istorica, las referéncias etnograficas, las tradicions, los engatjaments…que fondan una pensada occitana pròpria, duberta al mond.
Patric Cofin, professor certificat d’occitan, associat a l’INRP, cargat de corses a l’IUFM e l’universitat. Doctorat d’estudis Occitans. Recèrca en Istòria sul bacin carbonièr d’Avairon abans de 1914. Recèrca e trabalhs en Occitan : l’ensenhament public d’occitan, la didactica de l’occitan, l’ensenhament bilingüe occitan-francés…